|
其實好多人都知可以單刷黃風洞, 但我到而家仲成日見有人請求組隊打黃風洞. 所以特來寫一寫比大家參考.
當你進入黃風洞, 你會見到3個NPC有問號的(其實即係你幫手來的) 你唔好按佢地住, 一開始洞口有4隻怪, 你一隻一隻打, 方法係, 你引一隻之後走回去3個NPC果度, 咁3個NPC就會K佢. 當然你可以按防啦. 如是者打完4隻. 都唔好按3個NPC住. 入去下層有3個窄路, 你是但一個都可以. 先去觸發引粒大石頭錄落去(你可以企埋一邊, 粒石撞你唔到. 我就試過有時得有時唔得) 之後再去領3個NPC幫手. 再入去打. 打怪唯一秘技就係一隻一隻打, 當你打一隻怪, 3個NPC就會沖出去幫手. 咁樣一隻一隻打. 之後打白福. 先係殺左佢身邊的小怪. 之後先打佢. 搞掂後. 要停一下比3個NPC回血. (其中一個識回血. 佢會幫另外2隻回)
之後又係清小怪. 跟住打4爺老婆. 位置再4爺果個位右邊第2個洞. 一定要先殺佢老婆. 因為佢老婆會CALL怪. 搞掂後去殺果個有支幡身邊的2個小怪. 又係一隻一隻打啦. 再KO個渣幡的小妞. 殺左之後, 4爺就會出現. 你唔好企咁部4爺. 當4爺出現. 3個幫手會自動沖上去打佢. 咁你係身邊幫手打啦. 4爺死左之後有2-3個小怪出來. 你3個幫手一樣會主動搞掂佢. 恭喜你. 任務完成.
要注意的:
1. 冇需要打白福就唔好打. 浪費時間
2. 留意NPC幫手的血. 冇血或者1半以下一定要比佢休息
3. 一定要先殺佢老婆
4. 唔好心急執地下D野. 慢慢來
希望幫到你地. 大家日後可以自己搞掂啦. 唔駛求人. 呵呵. 加油 |
評分
-
查看全部評分
|